सिक्किमका कवि सिम्योन सुकिता राई ‘द पोएट आइडल’ सिजन २ को विजेता बनेका छन् । शनिवार राई द पोएट आइडल सिजन दुईको विजेता घोषित भएका हुन् । राईले विजेता सँगै रू. १० लाख रुपैयाँ प्राप्त गरेका छन् ।

यो प्रतियोगितामा १४ जनाबाट एक जना आइडल छान्ने गरिन्छ । त्यस्तै धादिङकी कवयित्री मुस्कान पोखरेल, धनगढीका कवि मोहित जोशी, इलामका कवि विजय लुइँटेल लगायतले विभिन्न ट्रफी प्राप्त गरेका छन् ।

गत सालको ‘द पोएट आइडल’ सिजन १ को विजेता पनि भारतकै सिक्किम निवासी कवि निलम गुरुङ बनेकी थिइन् । बिजेता बनेसँगै उनले ‘नपल्टाएका पन्नाहरु’ कविता संग्रह प्रकाशन गरेकी छन् ।

टेलिभिजन रियालिटी शो ‘द पोएट आइडल’ सिजन २ माघ २९ गतेदेखि हिमालय टिभीमा प्रसारण हुँदै आएको थियो ।