सुमिता शाही
हो म महिला,
कर्णाली कि महिला ।।
रोग, भोक , अशिक्षा गरिबी र,
अपहेलनाले उत्पीडित महिला ।।
लैङ्गिक भेदभाव अन्त्य भएकै छैन ,
समाज रुपान्तरण नारामै सिमित छ,
समाज अझै चेतनशील भएकै छैन ।
जिबन अझै साहारामै सिमित छ ।।
अझै पनि समाज महिनावारी त अपवित्र हो भन्छ ,
अब सोच बदल्ने बेला आएको छ ।
ज्ञान सिप र क्षमतामा महिला पनि अब्बल छन,
अब समाज परिस्थिति बदल्ने बेला आएको छ ।।
समाजले बनाएको बुर्जुवा परिधिभित्र बस्दै, ।
चुलो चौकोमा सिमित हुनुपर्ने रे ।
युग चन्द्रमामा बस्ति बसाल्ने परिकल्पना गर्छ, तर
कर्णालीका महिला अनेकौं लगाम र बन्धनले बाँधिनु पर्ने रे ।।
समाजले रोक्न खोज्छ, पाइला छेक्न खोज्छ,
तर, अब जाग्नु पर्छ, समाज निर्माणमा लाग्नु पर्छ,
बिचलित बनाउन खोज्छ, अपहेलित बनाउन खोज्छ ।
हो कर्णालीका महिला जाग्नु पर्छ, भबिस्य निर्माणमा लाग्नु पर्छ ।
कनका खबर । २०८१ फाल्गुन २४