जिल्ला प्रहरी कार्यालय जुम्लाको हिरासतमा  प्रहरीले हिरासतभित्रै कुटपिट गरेको आरोप लागेको छ। १६ गते बस पार्कमा भएको कुटपिटको घटनामा संलग्न रहेको भन्दै पक्राउ परेका प्रेम महत प्रहरी हिरासतमै कुटिएका छन्।

प्राप्त विवरणअनुसार, प्रेम महतसहितको टोलीलाई प्रहरीले पक्राउ गरेको थियो। तर, पक्राउ परेका महतलाई हिरासतमै अमानवीय तरिकाले कुटपिट गरिएको आरोप छ। कुटपिटका कारण महतको टाउकोमा गम्भीर चोट लागेको छ भने उनको लुगा पनि च्यातिएको छ। प्रहरी नियन्त्रणमै रहेका व्यक्तिमाथि गरिएको यस्तो व्यवहार कानुनविपरीत भएको भन्दै विरोध भइरहेको छ।

यस घटनापछि कर्णाली हिउचितुवा यातायात प्रालिका अध्यक्ष कृष्णबहादुर थापाले जिल्ला प्रहरी कार्यालय जुम्लाका डिएसपी छेदिलाल कामतिको भूमिका प्रश्नयोग्य रहेको बताए। उनले डिएसपीले कानुनी प्रक्रियाभन्दा बाहिर गई मनोमानी गरेको आरोप लगाउँदै उनीविरुद्ध जाहेरी दिने तयारी भइरहेको जानकारी दिए। डिएसपी कामतीको निर्देशमै कुटपिट भएको समितिका अध्यक्ष आरोप छ ।

प्रहरी प्रशासनले हिरासतमा रहेका व्यक्तिमाथि कुनै पनि हालतमा शारीरिक यातना दिन नहुने कानुनी प्रावधान छ। तर, यस घटनाले प्रहरी कार्यालयमै मानव अधिकार उल्लङ्घन भएको देखिएको छ। स्थानीयवासी र यातायात क्षेत्रका व्यवसायीहरूले घटनाको निष्पक्ष छानबिन र दोषीमाथि कारबाही गर्न माग गरेका छन्।

घटनाको सत्यतथ्य छानबिन गर्दै दोषीलाई कारबाही गरिनुपर्ने आवाज उठिरहेको छ। प्रहरी प्रशासनले घटनाबारे स्पष्ट धारणा के छ भनेर फोन गर्दा फोन कुनै पनि कुरा जानकारी दिएका छैनन्