आगामी चैत्र ५ गते हुन गराईरहेको स्ववियु निर्वाचन नजिकिँदै गरेको छ। जुम्ला बहुमुखी क्याम्पसले गरेको निर्णय अनुसार प्रवेश पत्र वितरण मिति आज सम्पन्न भएको छ।
जम्मा ५८७ जना स्नातकोत्तरका विद्यार्थी रहेको जुम्ला बहुमुखी क्याम्पसमा आज सम्म ३०० जना विद्यार्थीले परिचयपत्र लिएको निर्वाचन अधिकृत पदम बहादुर शाहीले बताए।
उनका अनुसार बि एड र बि बि एस तर्फका ३०० जनाले परिचयपत्र बाट भोट हाल्ने छन् भने केन्द्रिय नीति अनुसार ३९ जना एम बि एस दोस्रो वर्षका विधार्थीहरुले प्रवेश पत्रबाट भोट हाल्न पाउने भएका छन्। तदअनुसार जम्मा ३३९ जनाले यसपालीको निर्वाचनमा भोट हाल्न पाउने भएका छन्।
फागुन ३० गते बाट क्याम्पसले निर्वाचनको तयारी गर्ने क्याम्पस प्रमुख प्रकाशचन्द्र खत्रीले बताए। उनले भने; उम्मेदवारहरुले चैत्र २ को १२ बजे सम्म प्रचार प्रसार गर्न पाउने छन्।
त्यसपश्चात मौन अवधि सुरु हुने भएकाले प्रचार प्रसार बन्द हुने प्रमुख शाहीले जानकारी दिएका छन्। यो निर्वाचनलाई धादली रहित बनाउन सम्पुर्णलाई सहयोग गर्न शाहीले अपिल गरेका छन्।
विश्व प्रकाश । २०८१ फाल्गुन २९