राष्ट्रिय स्वतन्त्र पार्टी (रास्वपा) का सभापति रवि लामिछानेले केन्द्रीय समितिलाई तत्काल पूर्णता नदिने भएका छन् । रास्वपाको विधानले मनोनीतमार्फत केन्द्रीय समितिलाई पूर्णता दिने अधिकार सभापतिलाई दिएको छ ।
विधान अनुसार सभापति लामिछानेले ५१ जना केन्द्रीय सदस्य मनोनीत गर्न पाउने छन् । यस्तै, विधानले रिक्त रहेका पदमा पनि मनोनीतमार्फत पदपूर्ति गर्ने अधिकार सभापतिलाई दिएको छ ।
विधानअनुसार एक उपसभापति, एक महामन्त्री, दुई सहमहामन्त्री, एक प्रवक्ता, तीन सह–प्रवक्ता, एक कोषाध्यक्ष र दुई सह–कोषाध्यक्ष सभापतिले मनोनीत गर्नुपर्ने हुन्छ ।
सभापतिले मनोनीत गर्दा निश्चित समयसीमाभित्र गर्नुपर्ने भनेर विधानमा किटान नगरिएको हुँदा सभापतिलाई आफूअनुकूल मनोनीत गर्ने सुविधा लामिछानेसँग छ ।
विधानको त्यही सुविधाअनुसार नै क्रमबद्ध रूपमा सभापति लामिछानेले रिक्त पदपूर्ति गर्ने भएका छन् ।
कनका खबर । २०८३ भाद्र ४