१.
तिमी हेर्दै जाउ,अब देश बन्छ
रुखमा बसेको कागचरी भन्छ ।
२.
पर्यावरण धमिलो नपार्नु राम्रो
सधै घैटामा घाम लागिरहोस् हाम्रो ।
– होम प्रसाद नेउपाने/धरान, सुनसरी ।

१.
खुसी भएर बनाइयो हामीले सरकार
देश र जनतमा छैन यिनको दरकार ।
२.
देखिँदैन नेताका राम्रो व्यवहार
सम्पत्ति थुपर्न गर्दैछन् हाहाकार ।
– दुर्गा भट्टराई/मोरङ

१.
शिरमा छ सगरमाथा, पाउमा तराई
नेपालमा बस्ने नेपाली, कोही छैन् पराई ।
२.
गरिबको लागि झुपडी, महल जस्तै हुन्छ
अलिकति सुख पाएर, हर्षले मन रुन्छ ।
– एवाइ प्रभात/सहिदभुमि धनकुटा हाल

१.
बोली वचनले भएपनि अरूलाई रिझाउ
दुई दिनको जीवन छ मायाले मन भिजाउ ।
२.
कति दिन बाँचिन्छ र बनौँ सबैको प्यारो ?
मुटु र मन नमिलेमा बाँच्न धेरै गारो ।
– सविता भट्टराई/जनकपुर

१.
सबैले भन्छन् हरियाली ठुलाे हाम्रो धन
संरक्षण गरौँ अब वरिपरिका वन ।
२.
वन जङ्गल बचायौँ भने सिमधारा बाँच्छ
गृष्मकालीन बेला डाँफे, मुनाल पनि नाँच्छ ।
– राजनारायण राई/राजदल बस्ती सोनादह