जुम्ला जिल्ला फुटबल संघको आयोजनामा हुने, ‘एन्फा जिल्ला लिग २०८१’ सुरु भएको छ।
सोमबार एक भव्य समारोहमा जिल्ला समन्वय समितिका प्रमुख गौरीनन्द आचार्यले रेफ्री राजेन्द्र बुढथापालाई बल हस्तान्तरण गरेपछि लिग सुरु भएको हो।
कुल ११ वटा टिम सहभागी भएको लिगमा कुल २८ वटा खेल हुने जुम्ला जिल्ला फुटबल संघका महासचिव दिपेन्द्र विक्रम हमालले बताए।
समाज सुधार युवा क्लब र पातरासी युवा क्लब बीच भएको उद्घाटन खेलमा पातरासी २ गोलले विजयी भएको छ।
एन्फा जिल्ला लिग अब नियमित रुपमा हरेक वर्ष चलाउने वातावरण तयार पार्न लागि परेको एन्फा केन्द्रीय सदस्य तथा जुम्ला जिल्ला फुटबल संघका अध्यक्ष भरत बुढथापाले बताए।
कनका खबर । २०८१ जेष्ठ २१