बर्सौ देखि यो ज्यान तिम्रै इन्तजारमा थियो
न त कुनै पछुतो थ्यो न हतारमा थियो।

आज बल्ल गन्तव्यको सफर भेटेको छु
हिजो सम्म त मेरो यात्रा दोधारमा थियो।

बाहिरी मनलाई खुसी राख्ने चेष्टा गरे पनि
भित्र मन त एउटा बन्द कारागारमा थियो।

विगतका केही नमिठा पल भुल्ने शिलशिलामा
कैलै यो ज्यान भट्टी त कहिले बारमा थियो।

कहाँ कहाँ पुगिएन अनि के के गरिएन
साँच्चै हरि एउटा छुट्टै संसारमा थियो।

तिमी आयौँ उद्दार गर्न मलाई कठिन मोडमा
मेरो जीवन अल्झिएको काँडे तारमा थियो।