अदालतको भूमिकालाई लिएर आज पनि संसद्मा सत्तारुढ दल राष्ट्रिय स्वतन्त्र पार्टीका सांसद यज्ञमणि न्यौपाने र प्रतिपक्षी दल नेकपा एमालेका सांसद गुरुप्रसाद बरालबीच सवाजवाफ भएको छ ।
विशेष समयमा बोल्दै एमाले सांसद बरालले अदालतलाई कमजोर बनाउने गरी सत्तापक्षका कतिपय सांसदबाट अभिव्यक्ति आइरहेको बताए । उनले संविधानले कार्यपालिका, न्यायपालिका र व्यवस्थापिकाको भूमिका प्रष्ट गरेको बताए ।
बरालले सत्तापक्षका सांसदहरुले अदालतका निर्णयहरूप्रति राजनीतिक आक्रोश पोख्ने, न्यायाधीशहरूलाई धम्क्याउने, आक्षेप लगाउने र न्यायपालिकामाथि निरन्तर प्रहार गर्ने गलत प्रवृत्ति देखिएको भन्दै आपत्ति जनाए।
उनको उक्त भनाइप्रति रास्वपाका सांसद न्यौपानेले प्रतिवाद गरे। ‘हामी कमजोर अदालतलाई सक्षम बनाउनुपर्छ भन्नका लागि संसद्मा बोल्दैछौं’ न्यौपानेले भने ।
कनका खबर । २०८३ असोज ८