नेपाल स्वास्थ्य प्राविधिक संघ जुम्लाको पहिलो जिल्ला अधिवेशन शनिबार सम्पन्न भएको छ। अधि‍वेशनबाट गणेश नेपालीको नेतृत्वमा ११ सदस्यीय नयाँ जिल्ला कार्यसमिति गठन गरिएको हो।

नवनिर्वाचित कार्यसमितिमा खुला उपाध्यक्षमा भरत बुढा, समावेशी उपाध्यक्षमा बिराजु जि.सी, महिला उपाध्यक्षमा सरिता पोख्रेल, कोषाध्यक्षमा सीता सिंह र सचिवमा सुरेश पन्त चयन भएका हुन्।

यो अधिवेशनले स्वास्थ्यकर्मीहरूको हकहित र पेशागत मर्यादाका लागि सक्रिय संगठनको नेतृत्वलाई थप सशक्त बनाएको संघका केन्द्रीय सदस्य कमल रावतले बताए।

नेपाल स्वास्थ्य प्राविधिक संघ वि.सं. २०३६ मा स्थापना भएको हो। यो संगठन विशुद्ध पेशागत संगठन हो।

रावतका अनुसार यो संगठन सम्पूर्ण स्वास्थ्यकर्मीहरूको साझा मञ्च हो, जसले स्वास्थ्यकर्मीहरूको अधिकार र आ धारभूत स्वास्थ्य सेवालाई जनताको पहुँचसम्म पुर्याउन आवाज उठाउँदै आएको छ।

आधारभूत स्वास्थ्य सेवा जनताको अधिकार भएको र पेशागत मर्यादा तथा सुरक्षाका लागि संगठनले निरन्तर पहल गर्ने नवनिर्वाचित अध्यक्ष गणेश नेपालीले प्रतिबद्धता व्यक्त गरेका छन्।

उनले भने, “हामी स्वास्थ्यकर्मीहरूको सम्मान र सेवाको गुणस्तर अभिवृद्धिका लागि कटिबद्ध छौं।”