जुम्ला। पछिल्लो समय देशमा बर्तमान सरकारको ब्यापक बिरोध भईरहेको छ। अझ भनौं प्रधानमन्त्री केपी शर्मा ओलीको नै बिरोध भईरहेको छ। एकातिर राजतन्त्रको पक्षमा छुट्टै लर्को लागेको पनि देखिन्छ। राजा की राष्ट्रपति भन्ने विषय पनि उत्तिकै चलिरहेको छ।

प्रधानमन्त्री ओली उपस्थित हरेक सभा तथा कार्यक्रममा उनको प्रत्यक्ष रुपमै खिल्ली उडाएको र आलोचना गरेको सामाजिक सञ्जालमा देख्न सकिन्छ।

चौतर्फी बिरोध खेपिरहेका बेला प्रधानमन्त्री ओलीले एक अर्को भुल गरेका छन्। जुन विषय यतिबेला थप आलोचनात्मक बन्न पुगेको छ। फागुन २३ गते कर्णाली प्रदेशको राजधानीमा अवस्थित मध्यपश्चिम विश्वविद्यालयको तेस्रो दीक्षान्त समारोह आयोजना गरिएको थियो ।

उक्त समारोहमा सम्बोधन गर्न प्रधानमन्त्री ओली उपस्थित भएका थए। उनले सम्बोधनका क्रममा कर्णाली प्रदेशलाई मध्यपश्चिम प्रदेश भन्दा उक्त शब्द आलोचनात्मक बन्न पुगेको हो। सोही विषयमा सामाजिक सञ्जाल यतिबेला टिकाटिप्पणी भईरहेका छन्।

प्रदेशको नाम समेत थाहाँ नपाउने प्रधानमन्त्रीले कसरी देश चलाईरहेका छन् भन्दै एक तर्फी आलोचना भईरहेको छ। अधिकांश ठाउँहरुमा ओलीलाई तथा नाम गालि गलौज आई नै रहन्थे। समारोहमा बोलेको यो शब्द उनका लगि गाली पाउने अर्को आधार बन्न पुगेको छ।