मुगु जिल्लामा अवस्थित नेपालकै ठुलो ताल ‘रारा’ तालमा घुम्न आएका एक जना पर्यटकको मृत्यु भएको छ।

मृत्यु हुनेमा काभ्रेको धुलिखेल नगरपालिका–१० स्थायी ठेगाना भएका वर्ष ५४ का भुवन विश्वकर्माको हुन। रारा जानेक्रममा उनको लेक लागेर मृत्यु भएको प्रमुख जिल्ला अधिकारी कमलप्रसाद पाण्डेले जानकारी दिएका छन्।

विश्वकर्मा आइतबार राति ९ बजे श्वासप्रश्वासमा समस्या भएपछि चेकजाँच गर्न जिल्ला अस्पताल पुगेको जिल्ला अस्पताल मुगुका चिकित्सक नकुल शाहीले बताए । अक्सिजनको कमी भएपछि त्यो राती अस्पतालमा भर्ना गर्नु पर्नेमा विश्वकर्माले भर्ना हुन ईन्कार गरेको चिकित्सक शाहीको भनाई छ।

चेकजाँच पछि सल्लेरी फर्किएकाे तर सोमबार बिहान ६ बजेतिर उनलाई साथीहरूले एम्बुलेन्समा फेरी अस्पताल पुराएका थिए । अस्पताल पुग्दा पुग्दै उनको मृत्यु भएकाे चिकित्सक शाहीले जानकारी दिए ।

चिकित्सक शाहीका अनुसार विश्वकर्मा दमको दीर्घरोगी थए। हिमपात भएको बेला, चिसो मौसम, उच्च हिमाली भूभागमा अक्सिजनको कमीको कारण लेक लागेर काडियो प्रमोनरी एरेष्ट हुँदा विश्वकर्माको मृत्यु हुन गएको चिकित्सक शाहीले बताए ।

आइतबार मृतक विश्वकर्मासहित २५ जनाको टोली रारा घुम्न रारा ताल क्षेत्रमा पुगेको थियो ।