जुम्लामा लागू ओैषध चरेस सहित एक जना पक्राउ परेका छन्।

सोमबार दिउँसो तीन बजेको समयमा जिल्ला जुम्ला चन्दननाथ नगरपालिका वडा नं. ०६ रिठुगुनी भन्ने स्थान पक्राउ गरिएको जुम्लाका डिएसपी छेदिलाल कामतीले बताए।

उनका अनुसार पक्राउ पर्नेमा गुठिचौर गाउँपालिका -३ गज्याङकोट गाउँ बस्ने २३ वर्षीया दिपक बुढा रहेका छन्।

‘लागुऔषध (चरेश) बोकी संकास्पद रुपमा हिडिरहेको छ भन्ने गोप्य सूचनाको आधारमा जिल्ला प्रहरी कार्यालय जुम्लाबाट खटिएको प्रहरी टोलीले पक्राउ गरेको हो,’ डिएसपी कामतीले भने।

उनका अनुसार पक्राउ परेका बुढालाई कानून बमोजिम खानतलासी गरि कालो रङको झोलाको बीचको गोजी भित्र सेतो प्लाष्टिकमा बेरी लुकाई राखेको अवस्थामा चरेस भेटिएको थियोे।

आरोपित बुढाबाट एक सय ६१ ग्राम १० मिलिग्राम रहेको चरेस फेला पारिएको छ भने उनलाई सोमबार १० दिनको म्याद थप गरि अनुसन्धान भइरहेको जिल्ला प्रहरी कार्यालय जुम्लाले जनाएको छ।