जुम्ला। २७ औं भूकम्प सुरक्षा दिवसको अवसरमा जुम्लाको चन्दननाथ नगरपालिका १० मा कृत्रिम घटना अभ्यास गरिएको हो। नेपाल रेडक्रस सोसाइटी जुम्ला, किर्डाक नेपाल जुम्लाको सहयोग तथा सहकार्य र १० नं वडाको आयोजनामा उक्त अभ्यास गरिएको हो।
भूकम्प आउँदा कसरी आफु लगायत अन्यलाई सुरक्षित गराउने, आवस्यक सामाग्री कसरी ब्यवस्थापन गर्ने र सहयोगकालागि को संग गुहार्ने जस्ता कुरा उक्त अभ्यासमा देखाईएको हो।
यसरी वडाले नै कृत्रिम घटना अभ्यास गराउने चन्दननाथ १० कर्णाली प्रदेशमै पहिलो वडा रहेको नेपाल रेडक्रस सोसाइटी जुम्लाकी परियोजना अधिकृत ईस्वरा सुबेदीले बताईन् ।
छोटो समयमा वडाले गरेको आयोजनामा प्रस्तुत गरिएको अभ्यास सोचे भन्दा सान्दर्भिक रहेको सुबेदीले बताईन्। उनकाअनुसार स्थानियको पनि उपस्थिती बाक्लो रहेको थियो। उनले भनिन्: उक्त अभ्यास एक चोटी मात्र नभई बेला बेला गर्नु उपयुक्त रहन्छ।
कृत्रिम घटना अभ्यास बारे हरेक नागरिक परिचित हुनु पर्ने प्रमुख जिल्ला अधिकारी राम बहादुर शाहीले बताए। उनले भने; विपद बाजा बजाएर आउँदैन, त्यसैले हामी पुर्व तयारीका साथ बस्नु पर्दछ। उक्त अभ्यास निकै प्रभावकारी रहेको शाहीले बताए।
विश्व प्रकाश । २०८१ माघ २