तस्बिर : विश्व प्रकाश कनका खबर
मानव बेचबिखन तथा ओसार पसार नियन्त्रण, जिल्ला समिति, जुम्लाको आयोजना र चन्दननाथ नगरपालिका, किर्डार्क नेपाल र वोर्ल्ड भिजनको सहयोगमा मानव बेचबिखन विरुद्धको १८ औं राष्ट्रिय दिवस २०८१ मनाइएको छ।
उक्त कार्यक्रम र्याली निकाली मनाइएको हो। जिल्ला प्रशासन कार्यालयको प्राङ्गणबाट र्याली निकाली कृष्ण मन्दिर परिसरबाट चन्दननाथ मन्दिरको परिक्रमा गरि पून प्रशासन आई र्याली समाप्त भएको हो।
र्यालीमा कर्णाली प्रदेश सरकार जलस्रोत तथा उर्जा विकास मन्त्री माननीय बिजया बुढा लगायत चन्दननाथ नगरपालिकाका प्रमुख राजु सिंह कठायत, हिमा गाउँपालिकाका प्रमुख लक्ष्मण बहादुर शाही, प्रमुख जिल्ला अधिकारी राजकुमार घिमिरे लगायत शसस्त्र प्रहरीको टोलीको उपस्थिति रहेको थियो।
र्यालीमा विभिन्न खाले नारा सहितका पम्प्लेट दिखिएक थिए। र्याली पश्चात एक औपचारिक कार्यक्रमको आयोजना गरिएको थियो। जसमा मानव बेचबिखन प्रतिवेदन २०१० अनुसार विश्वमा १० करोड ३० लाख मानिस बेचबिखन र ओसार पसार बाट पिडित रहेको प्रहरी नायब उपरीक्षक क्षेदिलाल कामतीले बताए।
विश्वमा प्रति हजारमा १.८ जना र एसिया र प्यासिफिक क्षेत्रमा प्रतिहजारमा ३ जना पिडित हुने भएको कामतिले जानकारी दिए।
उनकाअनुसार मानव बेचबिखनमा अधिकांश महिला र बालबालिका पीडित रहेका छन्।
मानव बेचबिखन हुने कुरामा प्रहरी मात्र नभई सम्पुर्ण सर्वसाधारण चनाखो हुनुपर्ने समन्वय समिति जुम्लामा प्रमुख गौरि नन्द आचार्यले बताए। उनकाअनुसार जुम्लामा पनि बेचबिखनमा बालिकाहरु प्रभावित भएका छन्।
यस्तो गरिमामय कार्यक्रममा उपस्थित हुन पाएकोमा खुशी भएको कर्णाली प्रदेश सरकार जलस्रोत तथा उर्जा बिकास मन्त्री माननीय बिजया बुढा बिजया बुढाले बताइन।
अन्त, देशको तुलनामा नेपालमा बेचबिखन तथा ओसार पसारका घटनाहरु न्युन रहेको प्रमुख जिल्ला अधिकारी राजकुमार घिमिरेले बताए।
यद्यपि सम्बन्धित निकाय लगायत सर्वसाधारणले चनाखो हुनुपर्ने उनको भनाइ छ। उनकाअनुसार मानव बेचबिखन जघन्य अपराध हो र यसलाई रोख्न सबै लाग्नु पर्नेछ।
विश्व प्रकाश । २०८१ भाद्र २०