
तस्बिर : कनका खबर
स्व.दीपबहादुर स्मृति क्रियाशील पत्रकारिता पुरस्कार पत्रकार कल्पना शाहीलाई प्रदान गरिएकाे छ। प्रेस सेन्टर नेपाल, कोहलपुर नगर समितिकाे दोस्रो वार्षिक उत्सवकाे अवसरमा काेहलपुरकी क्रियाशील पत्रकार शाहीलाई प्रदान गरिएकाे हाे।
शनिबार एक समाराेहकाबीच कार्यक्रमका प्रमुख अतिथि तथा नेकपा माओवादी केन्द्रका केन्द्रिय सदस्य नरेन्द्र न्यौपानेले शाहीलाई नगद पाँच हजार सहित कदरपत्र प्रदान गरेका थिए।
उक्त अवसरमा बोल्दै न्यौपानेले समाज रुपान्तरणमा पत्रकारहरुको भूमिका उल्लेखनीय रहेको भन्दै प्रशंसा गरेका थिए।
नगर समितिकी कार्यसमिति सदस्य समेत रहेकी शाही सामुदायिक काेहलपुर एफ.एम.मा आवद्व छिन्।
प्रेस सेन्टर नेपाल,कोहलपुर नगर सचिव शुभाकर विश्वकर्माले आफ्ना स्वर्गीय बुवाकाे स्मृतिमा प्रदान गर्दै आएकाे उक्त पुरस्कार गतवर्ष नगर सदस्य अनिता विश्वकर्मालाई प्रदान गरिएकाे थियाे।
विश्वकर्माले उक्त पुरस्कार हरेक वर्ष जुम्ला र बाँकेकाे काेहलपुरमा क्रियाशील पत्रकारिता गर्दै आएका एक/एक जनालाई प्रदान गर्दै आएका छन्। याे पुरस्कारबाट जुम्लाका सागर परियार र विजय रावत पुरस्कृत भइसकेका छन्।
कनका खबर । २०८१ भाद्र ८