जुम्लाका राजेश विश्वकर्मा र टिकटकबाट उदाएकी सुदूरपश्चिमकी मिस पवीले अभिनय गरेको म्युजिक भिडियो ‘बदनाम उपहार’ सार्वजनिक भएकाे छ।
प्रेम वियोगमा आधारित म्युजिक भिडियो विहीबार विशाल निराैलाकाे युट्युव च्यानल मार्फत सार्वजनिक भएकाे हो।
भिडियोमा प्रेम सम्बन्धमा दरार आएपछि पात्रको जीवनमा आएका उतारचढावलाई मधिरा र धुम्रपान सेवन तथा वैकल्पिक प्रेम सम्बन्ध मार्फत गीतको सारलाई प्रष्ट्याइएको छ।
कथामा प्रेमी पात्रले विछोडको विगोग भूल्न मधिरा र धुम्पानको सहारा लिएको देखिन्छ भने बदुदलाको भावनामा अर्की प्रेमिका समेत खोजेको देखिन्छ।
प्रेमिका पात्रलाई निरीह र रुन्चे देखाइएको छ भने बदलामा उनले समेत छुट्टै सम्बन्ध स्थापित गरेको देखिन्छ।
यी दृश्यहरुले उनीहरुकाे प्रेम सम्बन्धको परिणाम ‘बदनाममा उपहार’ हात लागेको देखाउँछन्।
स्थानीय स्तरमा समेत कलाकारिताको अभ्यास गरिरहेका राजेश बदनाम उपहार मार्फत कलाकारिता क्षेत्रलाई फराकिलो बनाउन लागेका छन्।
गीतमा विशाल निराैला र मनिशा सुनारकाे स्वर रहेकाे छ। गीतका शब्द/ म्युजिक आकाश सुनारकाे रहेकाे छ। यसका ऐरेन्जर विशाल निराैला स्वयम् हुन्।
स्टाेरी र निर्देशन दिनेश ठगुन्ना, सहायक निर्देशक नरेन्द्र विश्वकर्मा रहेका छन्। भिडियोमा राजेश र मिस पविलाई सुनिल काफ्ले र अनिसा नानुले साथ दिएका छन्।
कनका खबर । २०८१ साउन २६