तस्बिर : सामाजिक सञ्जाल
डोल्पाबाट नेपालगञ्ज जाँदै गरेको नेपाली सेनाको हेलिकोप्टर मौसम खराब भएकाले सुर्खेतको लेकवेशी नगरपालिकामा आकस्मिक अवतरण गरिएको छ।
सशस्त्र प्रहरीका असई नरबहादुर विसी लेक लागेर बिरामी भएकाले उपचारका लागि नेपालगञ्ज लैजाने क्रममा मौसम खराबीका कारण लेकवेशी नगरपालिका–६ सुर्खेतमा आकस्मिक अवतरण गरिएको जिल्ला प्रहरी कार्यालय सुर्खेतका प्रमुख प्रहरी उपरीक्षक रुपेश खड्काले जानकारी दिए।
मौसम ठिक भएलगत्तै हेलिकप्टर सुर्खेत विमानस्थलमा ल्याइएको छ। डोल्पा बाट ल्याइएका सशस्त्र प्रहरीका असईलाई यतिबेला कर्णाली प्रदेश अस्पतालमा उपचार गराईरहेको प्रहरीले बताएका छन्।
कनका खबर । २०८१ साउन १६