जुम्लामा आईतबार अख्तियार दुरुपयोग अनुसन्धान आयोग, सुर्खेतको आयोजनामा भ्रष्टाचार नियन्त्रण तथा सुशासन प्रवर्द्धन सम्बन्धी जिल्ला स्तरीय अन्तरक्रिया कार्यक्रम सम्पन्न भएको छ।
कार्यक्रममा अख्तियार दुरुपयोग अनुसन्धान आयोगकी आयुक्त डा. सुमित्रा श्रेष्ठ आमत्य, अख्तियार दुरुपयोग अनुसन्धान आयोग सुर्खेतका प्रमुख रामकृष्ण पुडासैनी, जुम्लाका बिभिन्न स्थानिय तहका प्रतिनिधि, प्रमुख जिल्ला अधिकारी, प्रहरी नायव उपरिक्षक लगायत विभिन्न कार्यालयका कर्मचारीहरुको उपस्थिती रहेको थियो।
अन्तरक्रियामा अख्तियार सम्बन्धी जानकारी गराई बुझे, नबुझेका विषयमा छलफल गरिएको हो। त्यस्तै अख्तियार दुरुपयोग अनुसन्धान आयोग सुर्खेतका प्रमुख रामकृष्ण पुडासैनीले उजुरी विवरण प्रस्तुत गरेका हुन्।
उनकाअनुसार जुम्लाका आठ ओटै स्थानिय तह गरि हाल सम्म जम्मा १४० उजुरी रहेका छन्। जसमा ५८ ओटा फछ्य्रौट भईसकेका छन् र ८२ वटा उजुरी बाँकी रहेका छन्।
उनले भने; खराब नियत, पैसा हिनामिना, र प्रक्रिया वा नियम भन्दा बाहिर रहेर काम गर्नु नै भ्रष्टाचार हो। स्थानियका तहका प्रतिनिधि लगायत उपस्थित कर्मचारीहरु र विभिन्न तहतप्काका ब्यक्तिहरुलाई उनले भ्रष्टचार नगर्न र हुन नदिन सुझाव दिएका छन्।
उजुरी सम्बन्धी सबै प्रशासन र प्रशासन प्रमुखहरु जानकार हुन नसक्ने प्रमुख जिल्ला अधिकारी राम बहादुर शाहीले बताए। उनले भने; जिल्ला प्रशास कार्यालयहरुका लगि म्यानुअल बनाईदिए काम गर्न सहज हुने थियो।यो अन्तरक्रियाबाट उपस्थित सबैले सकारात्मक फाईदा लिनु पर्ने शाहीले अभिब्यक्ति जाहेर गर।
भ्रष्टाचार नगर्न, हुन नदिन स्वयं आफैले स्मरण र सजक हुन पर्ने जिल्ला समन्वय समिति जुम्लाका उपप्रमुख जनक थकालीले बताए। जिल्लाबासीले सच्चा मन र नियतका साथ कर्म गरे चाँडै जुम्ला भ्रष्टचारमुक्त जिल्ला बन्ने थकालीको भनाई छ।
अख्तियार शब्द बाटै धेरै डराउने र आत्तिने गरेको अख्तियार दुरुपयोग अनुसन्धान आयोगकी आयुक्त डा. सुमित्रा श्रेष्ठ आमत्यले बताईन्। उनले भनिन्; नियमसंगत रहे कसैले डराउन नपर्ने अभिव्यक्ति उनले हाेहेर गरिन्।
उनले थपिन; हाम्रो उदेश्य सबैलाई कार्वाही गर्ने नभई एउटालाई कार्वाही गरेर सबैलाई सजक बनाउने हो।अख्तियार सम्बन्धी प्रस्ट रुपमा जानकार रहेर काम गर्न उनले सम्पुर्णमा सुझाव ब्यक्त गरेकी छन्।
विश्व प्रकाश । २०८१ चैत्र १६