कार्यालय सुन्दर बनाउन जिल्ला प्रहरी कार्यालय जुम्ला परिसरमा गरियो वृक्षारोपण 

वातावरण जोगाउन तथा कार्यालयको सुन्दरता बढाउन जिल्ला प्रहरी कार्यालय जुम्ला परिसरमा विभिन्न फल तथा फुलका वृक्षारोपण गरिएको छ।

हरेक कार्यालयले, कार्यालय परिसरमा खालि भएको ठाउँमा वृक्षारोपण गर्नु पर्ने जुम्ला जिल्लाका प्रमुख जिल्ला अधिकारी राम बहादुर शाहीले बताए।

जिल्ला प्रहरी कार्यालयले शान्ति सुरक्षासंगै किसानलाई प्रेरणा दिन वृक्षाराेपण गर्नु निकै सर्हानिय कार्य रहेकोमा सि डि यो शाहीले धन्यवाद दिएका छन्। प्रहरी कार्यालय भित्रै स्याउ खान पाईने अबस्थाको श्रृजना गरिदै तथा कार्यालयकाे सुन्दरता बढाउन फलफूलका बिरुवा राेपिएकाे प्रहरी नायव उपरिक्षक क्षेदीलाल कामतीले बताए।

प्रहरी कार्यालयमा पिडित बढी आउने भएकाले पिडितलाई आनन्द अनुभूति दिलाउनका लागि वृक्षाराेपणकाे आबश्यक पर्ने कामतीको बुझाई छ। कार्यालयमै स्याउ खानेगरी बिरुवा रेखदेख गर्छाै, उनले भने ।’

पत्रकार महासंघ जुम्लाका अध्यक्ष पुर्ण प्रसाद चौंलागाईं,राष्ट्रिय अनुसन्धान केन्द्र जुम्लाका प्रमुख रमेश अधिकारी लगायतको उपस्थिती रहेको वृक्षारोपण कार्यक्रममा जिल्ला प्रहरी कार्यालय जुम्ला र जुम्ला विमानस्थल परिसरमा वृक्षारोपण गरिएको हो।

प्रकाशित मितिः   २०८१ फाल्गुन २७ at 10:09 am 

  • कमेन्ट (Comment)