प्रेस सेन्टर नेपाल जिल्ला समिति जुम्लाको आयाेजनामा संगठनको २१ औँ स्थापना दिवसको अवसरमा कर्णाली स्वास्थ्य बिज्ञान प्रतिष्ठानका प्रसूति विभागका बिरामीलाई फलफूल वितरण गरेको छ ।
नेकपा माओवादी केन्द्र निकट पेशागत सङ्गठन प्रेस सेन्टर जुम्लाले समाज सेवालाई निरन्तरता दिन प्रतिष्ठानका प्रसूति विभागका उपचार गरिरहेका ९ जना बिरामीलाई फलफूल वितरण गरेको प्रेस सेन्टर जुम्लाका अध्यक्ष मान बहादुर कुवँरले बताए।
मंगलबार बिहान कर्णाली स्वास्थ्य विज्ञान जुम्लाकाे प्रसूति विभागमा पुगेको प्रेस सेन्टर जुम्लाको टोलीले अस्पतालमा रहेका बिरामीलाई फलफुल वितरण गरेकाे प्रेस सेन्टर नेपाल जुम्लाले जनाएको छ।
कर्णाली स्वास्थ्य विज्ञान प्रतिष्ठान जुम्लाका प्रसूति विभाग इन्चार्ज गुन्जन रावलले प्रेस सेन्टरले गरेकाे फलफूल वितरणले बिरामीमा थप मनोबल बढाउने काम गरेको छ।
संगठनले नमुना काम गरेको प्रतिष्ठान जुम्लाका प्रसूति विभागका इन्चार्ज रावलकाे भनाइ छ। साे कार्यक्रममा नेपाल पत्रकार महासंघ जुम्लाका अध्यक्ष पुर्ण प्रसाद चाैलागाई, नेकपा माओवादी केन्द्र तातोपानी गाउँपालिका कमिटी अध्यक्ष विशाल खड्का, प्रेस सेन्टर जुम्लाका निवर्तमान अध्यक्ष विजय रावत , प्रेस चाैतारी जुम्लाका अध्यक्ष मानदत्त रावल लगायत जुम्लाका पत्रकारहरुकाे सहभागी रहेको थियो ।
कनका खबर । २०८१ माघ १५