बुधबार जुम्ला सहित देशका ६५ जिल्लामा नदीको बहाव बढ्ने सम्भावना देखिएको छ। जुम्ला, मुगु, हुम्ला, कालिकोट, रुकुमपश्चिम, जाजरकोट, सल्यान, सुर्खेत, दैलेख,अछाम लगायत आसपासका जिल्ला भई बहने केही नदीमा पनि बहाव बढ्ने सम्भावना छ रहेकाले जोखिम देखिएको बाढी पूर्वानुमान महाशाखाले जनाएको छ।
महाशाखाले आज बिहान जारी गरेको बाढी पूर्वानुमान बुलेटिन अनुसार सिन्धुपाल्चोकसहित १५ जिल्लामा उच्च सतर्कता र काठमाडौँसहित ५० जिल्लामा सतर्कता अपनाउन आवश्यक छ।
बाढी महाशाखाका अनुसार आज ताप्लेजुङ, संखुवासभा, सोलुखुम्बु, रामेछाप, दोलखा, सिन्धुपाल्चोक, कैलाली, कञ्चनपुर, डोटी, बझाङ, बाजुरा, डडेलधुरा, बैतडी, दार्चुला र आसपासका जिल्ला भई बहने अधिकांश नदीमा बहाव बढ्ने तथा केहीमा आकस्मिक बहाव हुन सक्ने अनुमान छ।
यस्तै आज तेह्रथुम, धनकुटा, इलाम, मोरङ, सुनसरी, सप्तरी, भोजपुर, ओखलढुङ्गा, खोटाङ, काठमाडौँ, ललितपुर, भक्तपुर, उदयपुर, सिन्धुली, काभ्रेपलाञ्चोक, मकवानपुर, नुवाकोट, रसुवा, सर्लाही, रौतहट, बारा, पर्सा, चितवन, धादिङ, गोरखा, कास्की, लमजुङ, स्याङ्जा, नवलपरासी (बर्दघाट सुस्तापूर्व), नवलपरासी (बर्दघाट सुस्तापश्चिम), रुपन्देही, कपिलवस्तु, दाङ, बाँके, बर्दिया, पर्वत, म्याग्दी, बागलुङ, प्युठान, रुकुमपूर्व लगायतका जिल्लामामा बाढीको सम्भावना बढेकाले महाशाखाले सचेत गराउँदै नदी तटीय क्षेत्रमा सतर्कता अपनाउन हुन अनुरोध छ।
कनका खबर । २०८१ साउन २३