१.
वारि र पारी छन् जोरीपारी दुखीको बयान
प्रकृति कोप सहेका हामी वाणले नहान ।
२.
नजाउ विदेश नेपाली युवा भनेर के गर्ने?
साहुको ऋणले मुखमा माड लाग्दैन के भर्ने?।
– कमला देवकोटा/पाल्पा

१.
इमान जमान अक्षय सम्पति
एक्लै वृहस्पति सत्यमा सम्मति ।
२.
आगो भनी नगर ~प्रचण्ड सान
निभाऊला पानीले घमण्ड मान ।
– डा. ठाकुर मोहन श्रेष्ठ

१.
शुभकामना दिन चाहन्छु नयनलाई
हृदयबाटै सलाम तिम्रो चयनलाई ।
२.
अट्टालिकाहरू तयार छन् मेरा ती उर्वर माटोमा
असार पन्ध्रका तैलीय चित्रहरू धानको साटोमा ।
– देविका मंग्राती राई/खरसाङ

१.
वर्खाको महिना असार दर्किएको छैन पानी
किसान आकाशतिर हेर्छन् नरमाइलो मानी ।
२.
यो बेला हो जताततै रिमझिम झरी बर्सिने
गर्जिंदा बालक बबुरा जीवजन्तु नै तर्सिने ।
– कृष्ण घिमिरे उदार

१.
पुर्खा लडेर बनेकाे देश इतिहास हेर
बिँडाे समाउ पुर्खाकाे नफाल जीवन खेर ।
२.
असारकाे पन्ध्रमा धानकाे बीउ झुलाउने
साै मुरि धान फलाइ मङ्सिरमा चुलाउने ।
– रबि पाैडेल/दक्षिण भारत पाणडेचरी