चन्दननाथ नगरपालिकाको १३ ओैं नगरसभाको उदणघान समारोह : सबै तस्बिरहरु कनका खबर

जुम्लाका आठै वटै पालिकाले नयाँ आर्थिक वर्ष ०८१/०८२ का लागि नीति तथा कार्यक्रम ल्याएका छन्। जिल्लाका एक नगरपालिका र सात गाउँपालिकाले बजेटसहित नीति तथा कार्यक्रम समेत ल्याएका हुन।

स्थानीय तहले असार १० गते नीति तथा कार्यक्रम र बजेट ल्याउने संवैधानिक व्यवस्था छ। सोही बमोजिम जुम्लाका आठवटै स्थानीय तहले नीति तथा कार्यक्रम र बजेट ल्याएका हुन्।

चन्दननाथ नगरपालिकाको १३ ओैं नगरसभाको उद्घाटन समारोह

यसैबीच जिल्लाको एकमात्र नगरपालिका चन्दननाथ नगरपालिकाले नीति तथा कार्यक्रमसहित ६७ करोड १० लाख ३४ हजार १०९ रुपियाँको बजेट ल्याएको छ। नगरपालिका उपप्रमुख रामदेवि खड्काले १३ औँ नगर सभामा आगामी आर्थिक वर्ष ०८१/०८२ का लागि बजेट प्रस्तुत गरेकी हुन्।

सिंजा गाउँपालिकाको १४ ओैं गाउँसभाको उद्घाटन गर्दै अध्यक्ष पूर्ण प्रसाद धिताल

सिंजा गाउँपालिकाले आगामी आर्थिक वर्षका लागि ४१ करोड २१ लाख ५६ हजार रुपियाँ बजेट ल्याएको पालिका अध्यक्ष पूर्णप्रसाद धितालले बताए। उनले भने, ‘नयाँ आर्थिक वर्षका शिक्षालाई विशेष प्रथामिकता दिएका छौँ। कुल बजेटको २१ प्रतिशत शिक्षा क्षेत्रमा विनियोजन गरिएको छ । पुर्वाधार, पर्यटन, कृषि क्षेत्रलाई पनि प्रथामिकता दिएको छ।’

तातोपानी गाउँपालिकाले आगामी आर्थिक वर्षका लागि ४९ करोड ४० लाख एक हजार ८७९ रुपियाँ बजेट ल्याएको गाउँपालिका उपप्रमुख रेवती रावलले बताइन्। विशेष गरी शिक्षा स्वास्थ्य कृषि, उद्योग, ग्रामिण सडक निर्माणमा प्रथामिकता राखेर बजेट ल्याएको गाउँपालिका अध्यक्ष नन्दप्रसाद चौलागाईले बताए।

तातोपानी गाउँपालिकाको १५ ओैं गाउँसभा

पुराना नीति तथा कार्यक्रमलाई यथावत राखेर महिला र दलितलाई लोकसेवा तयारी कक्षा, सय भन्दा बढी भेडा पाल्नेलाई गोठालो भत्ता, एकल पुरुष भत्ता, कृषि बीमा, महिला स्वास्थ्य स्वयम सेविका सञ्चार सुविधा, अन्तरजातीय विवाह प्रोत्साहनसहित नीति तथा कार्यक्रम समेटिएको छ। सोही नीति तथा कार्यक्रम बमोजिम बजेट ल्याएको प्रमुख प्रशासकीय अधिकृत तिर्थ कठायतले बताए।

तिला गाउँपालिकाले आगामी आर्थिक वर्षका लागि ४७ करोड ८४ लाख २० हजार रुपियाँ बजेट ल्याएको गाउँपालिका अध्यक्ष मोतिलाल रोकायाले बताए। उनले भने, ‘विशेषगरी विपद्, खडेरी, ग्रामिण सडक निर्माण, खानेपानी, स्वास्थ्य शिक्षा, कृषिसहित नीति तथा कार्यक्रम बजेटमा प्रथामिकता राखिएको छ।’

हिमा गाउँपालिकाको १६ ओैं गाउँसभापछि अध्यक्ष, उपाध्यक्ष सहितको टोली सामुहिक तस्बिर खिचाउँदै

हिमा गाउँपालिकाले आगामी आर्थिक वर्षका लागि नीति तथा कार्यक्रमसहित ४९ करोड ४१ लाख ९० हजार रुपियाँ बजेट ल्याएको सूचना अधिकारी रतन रावतले बताए।

कनकासुन्दरी गाउँपालिकाले आगामी आर्थिक वर्षका लागि ५१ करोड २ लाख २५ हजार ६ सय ४६ रुपियाँको बजेट ल्याएको छ। विशेष गरी शिक्षालाई प्रथामिकतामा राखिर नयाँ बजेट ल्याएको गाउँपालिका अध्यक्ष दामोदर आचार्यले बताए।

कनका सुन्दरी गाउँपालिकाको गाउँसभा पछि सामुहिक तस्बिर खिचाउँदै कर्मचारीहरु

पातारासी गाउँपालिकाले आगामी आर्थिक वर्षका लागि नीति तथा कार्यक्रमसहित ४४ करोड ४९ लाख ६० हजार रुपियाँ बजेट ल्याएको उपप्रमुख जनमाया रोकायाले बताइन्।

पातरासीको १३ ओैं गाउँ सभा उद्घाटन गर्दै अध्यक्ष, उपाध्यक्ष

गुठीचौर गाउँपालिकाले आगामी आर्थिक वर्षका लागि नीति तथा कार्यक्रमसहित गत वर्षको एक करोड १३ लाख अल्यासहित ४१ करोड १० लाख ४९ हजार रुपियाँ बजेट ल्याएको गाउँपालिका प्रवक्ता अर्जुन महताराले बताए।

गुठिचौर गाउँपालिकाका १८ ओैं गाउँसभामा अध्यक्ष उपाध्यक्ष