परम्परागत अभ्यास न्युनिकरण गर्न संचार माध्यमको भूमिका विषयमा अन्तरक्रिया कार्यक्रम सुरु भएको छ।
प्लान इन्टरनेसनल नेपालकाे आर्थिक सहयाेग र पेश नेपाल जुम्लाको सहजिकरणमा अन्तरक्रिया कार्यक्रम सम्पन्न भएकाे हाे।
पेश नेपालले शिक्षा, स्वास्थ, समुदाय स्तर लगाएका क्षेत्रमा काम गर्दै आइरहेकाे पेस नेपाल जुम्लाका कार्यकारी निर्देशक किशोर न्यौपानेले बताए।
‘समुदायमा रहेका हरेक समस्याको सहजै न्युनिकरण गर्न पेश नेपाल लागिरहेको छ,’ उनले भने, ‘सन् २००६ मा पेश नेपालकाे स्थापना जुम्लामा भएकाे हाे।’
उनका अनुसार अहिले पेश नेपालले जुम्ला, मुगु, कालिकाेट गरि ३२ वटा वडामा काम गरिरहेकाे छ।
उनले थपे, ‘शिक्षा, स्वास्थ, जलवायु परिवर्तनका क्षेत्रमा विभिन्न काम गरिरहेकाे छ।’
समुदाय स्तरमा परम्परागत पेशामा लागेका नागरिकका लागि पेश नेपालले आधुनिक पेशामा लगाई आयआर्जन जाेड्ने खालका काम गरेकाे उनको दाबी छ।
‘पेश नेपालले पानी संरक्षणका विषयमा पाेखरी निर्माण, वन जंगल संरक्षण, माैशमी तथा बेमौसमी तरकारी खेतिका क्षेत्रमा काम गरि समुदायको जीवन स्तर सुधारका विषयमा काम गरिरहेको छ,’ उनले थपे।
पछिल्लो समय पेश नेपाल सिंजा, हिमा र कनकासुन्दरी गरि जुम्लाका तीन स्थानीय तहका विभिन्न क्षेत्रमा क्याप्प संचालन गरि समुदायको जीवन स्तर सुधारमा काम गरिरहेकाे छ।
समुदायका किशोरीका लागि मर्यादित महिनावारी, प्रजनन् स्वास्थ्यका क्षेत्रमा आधुनिक तवरबाट उत्पादन गरेका आलु खेतिका क्षेत्रमा पनि पेश नपालले काम गरिरहेकाे कार्यकारी निर्देशक न्याैपानेको तर्क छ।
कार्यक्रममा राष्ट्रिय मानव अधिकार आयाेग जुम्लाका कार्यालय प्रमुख धनराज शाहीले पेश नेपालले समुदाय स्तर देखि विद्यालय क्षेत्रमा ठुलाे याेगदान गर्ने बताए।
उनका अनुसार कुनै पनि काम गर्दा एक अर्काका परिपुरक भएर काम गर्न सुझाव दिए। उनले भने, ‘राज्यप्रतिकाे जवाफदेहिताका दर्शाउन हामीले सम्बन्ध विस्तार गर्न जरुरी छ।’
कनका खबर । २०८१ जेष्ठ २५