जुम्ला विमानस्थल स्तरउननती हुने भएको छ। अर्थमन्त्री वर्षमान पुनले आर्थिक वर्ष २०८०/०८१का लागि ल्याएको बजेटमा जुम्ला विमानस्थल स्तरउन्नती गरिने उल्लेख छ।
बजेट वक्तव्यमा रोल्पाको बडाचौर, दाङको टरिगाउँ, जुम्ला, विराटनगर, धनगढी र नेपालगञ्ज विमानस्थलको स्तरोन्नति गरिनेछ भनेर लेखिए पनि रकम कति छुट्याइएको छ उल्लेख भएको छैन।
तथापि जुम्ला विमानस्थल स्तरउन्नतीका लागि १० करोड विनियोजन भएको सांसद कान्तिका सेजुवलाले कनका खबरलाई जानकारी दिइन्।
वर्षौँदेखि विमानस्थल स्तरवृद्धिको कुरा चले पनि सार्थकता पाउन नसक्नुमा आर्थिक समस्या मुख्य देखिएको छ। तथापि आगामी आर्थिक वर्षका लागि बजेट विनियोजन भएको सांसद सेजुजालले बताइन्।
कनका खबर । २०८१ जेष्ठ १५