जुम्लाको तिला गाउँपालिका -८ को देउराली माध्यमिक विद्यालयका लेखापाल लालभक्त रावतले ८ लाख ६० हजारको भ्रष्टाचार गरेपछि निकालिएको थियोे। गत असोज २५ गते भ्रष्टचार सँगसँगै आफ्नो काम कर्तव्य र पदीय जिम्मेवारी पुरा नगरेको भन्दै विद्यालय व्यवस्थापन समितिले निर्णय गरी कामबाट बर्खास्त गरीरिएको विद्यालयका प्रधानाध्यापक रामभजन यादवले बताए।
‘विद्यालयमा मनपरि ढङ्गले काम गर्न थालेपछि ८ लाख ६० हजार भ्रष्टाचार गरेको निकालिएको थियोे। आफ्नो पदको सिमा बाहिर गइ आफूले आफैलाई निमित्त प्रधानाध्यापक बनाई हस्ताक्षर गरी सर्टिफिकेट प्रदान गरेका थिए,’ उनले भने।
उनका अनुसार लेखापाल रावतबाट प्रधानाध्यापक बाहिर गएको बेला विद्यालयको नीति नियम भन्दा बाहिर रहेर काम गरिरहेका थिए। आर्थिक कारोबार समेत मनपरि ढंगबाट गर्दै आएका थिए।
विविध अमर्यादित र गैरकानुनी तवरबाट मनपरि चलिरहेका लेखापाल रावतले आफूमाथि झुटो आरोप लगाएर उल्टै जिल्ला प्रशासन कार्यालय जुम्लामा मुद्दा हालेको प्रधानाध्यापक यादवले बताए।
यता जिल्ला प्रशासन कार्यालयले खेलापाल रावतमाथी लागेको आरोपको प्रमाण विद्यालय व्यवस्थापन समिति र प्रधानाध्यापकले दिन नसक्दा जिल्ला प्रशासन कार्यालयले पद बहालीको पत्र गाउँपालिकालाई पठाएको लेखापाल रावतको भनाइ छ।
‘विद्यालय व्यवस्थापन समितिको आरोप र निर्णय प्रमाण बिहिन रहेको भन्दै तिला गाउँपालिकाको शिक्षा समितिले मेरो पद बहाली गर्ने निर्णय गरेको छ। तर विव्यस र प्रधानाध्यापकले मान्नुभएको छैन,’ उनले भने।
०८० वैशाख शाख २४ गते बसेको शिक्षा समितिको बैठकको निर्णयनुसार स्थानीय शिक्षा विकास तथा व्यवस्थापन गर्न बनेको ऐन २०७४ को परिच्छेद ४ को दफा २३ को (१) बमोजिम बर्खास्त गर्ने निर्णय नियम विपरित भएको र सो कार्यको कुनै आधार प्रकृया र ठोस प्रमाण नपुगेकोले जिल्ला प्रशासनकोको बैशाख १० गतेको पत्रानुसार नीज लालभक्त रावतलाई पद बहाली गरिएको निर्णय बैशाख २८ गते नै विद्यालयलाई पठाइएको हो।
विद्यालयका लेखापाल रावतलाई पदबाट अवकास गर्ने अधिकार विव्यसको मातहतमा नभएको भन्दै चैत्र १३ गते जिल्ला प्रशासन कार्यालय जुम्लाले गाउँपालिकाबरलाई पत्र काटेको थियोे।
प्रशासनले अवकास गर्नुपर्ने ठोस आधार प्रमाण पुगे नपुगेको जानकारी गराउन बैशाख १० गते पालिकालाई पत्र समेत काटेको थियो। प्रतिउत्तरमा गाउँपालिकाले लालभक्त रावतलाई बर्खास्त गर्नुपर्ने कुनै आधार प्रमाण नभएकोले पदबहाली गरिएको पत्र प्रशासनलाई पठाइसकेको छ।
तर विद्यालयमा कामकाज गर्न जाँदा लालभक्त रावतलाई भने प्रधानाध्यापक र विव्यस अध्यक्षले भने हाजिरनै गर्न नदिएको स्वयं रावतले बताएका छन्। शिक्षा समितिले समेत बर्खास्त गर्ने काम नियमविपरित भएको, आधार प्रमाण नपुगेकोले पद बहाली गर्ने निर्णय गर्दा समेत देउराली माविका प्रअ र विव्यस अध्यक्ष पालिकाको निर्णयलाई व्यवास्ता गरेको लेखापाल रावत बताउँछन्।
यसैबीच विद्यालय व्यवस्थापन समितिका अध्यक्ष नरजित बस्नेतले यस विद्यालयमा कार्यरत तत्कालिन अनुदानका विद्यालय सहायक कर्मचारी रावतलाई नियमानुसार विद्यालय व्यवस्थापन समितिले मिति २०८०/०६/२५ गते अवकाश गरि तिला गाउँपालिकाको कार्यालय तथा शिक्षा विकास तथा समन्वय इकाई जुम्लालाई जानकारी गराएको बताएका छन्।
उनले भने, ‘अनुदानका विद्यालय सहायक कर्मचारीलाई नियुक्ति गर्ने तथा अवकाश गर्ने विधि सम्बन्धमा शिक्षा ऐन नियमावलीमा स्पस्ट रुपमा कहि कतै उल्लेख नभएको र नियुक्ति विद्यालयले नै गरेको हुँदा अवकाश गर्ने अधिकार पनि विद्यालयलाई नै हुनु पर्छ भने बुझाई राखि शिक्षा ऐन २०२८ को दफा १६ ङ को उपदफा ५ बमोजिम पद बाट अवकाश गरेको तथा अवकाश गर्नु पर्ने तपसिल बमोजिम पर्याप्त आधार तथा कारण छन्।’
उनका अनुसार विद्यालयमा महिनौं दिन सम्म अनुपस्थित रहेको, विद्यालयको रकम आफू खुशि खर्च गरि हिना मिना गरेको, विद्यालयको प्रधानाध्यापकलाई पटक पटक कुटपिट गरि वातावरण खल्बलाएको, विद्यालय व्यवस्थापन समितिलाई अवैधानिक भनि निर्देशन पालन नगरेको, पदीय दायित्व पुरा नगरि तोकिएको कामकाज कहिले पनि नगरेको र निमित्त प्रअको जिम्मेवारी नदिँदा पनि विद्यालयको छाप आफै काट्न लगाई निमित प्रअ आफू खुशि भई विद्यार्थीलाई प्रमाण पत्र वितरण गरेका कारणले पदमुक्त गर्नु परेको हो।
प्रकाश उपाध्याय । २०८१ जेष्ठ ५