सोमबार जुम्लामा राष्ट्रिय किसान आयोग केन्द्रिय कार्यालयको आयोजनामा सञ्चालित कृषि विधेयकमा किसान हक, हित र अधिकार सम्बन्धमा पृष्ठपोषण संकलन तथा अन्तरक्रियात्मक छलफल कार्यक्रम सम्पन्न भएको छ।
राष्ट्रिय किसान आयोगका अध्यक्ष प्रेम प्रसाद दंगाल उपस्थित उक्त कार्यक्रममा जुम्ला जिल्ला चन्दननाथ नगरपालिका, तातोपानी गाउँपालिका, र तिला गाउँपालिकाका उप प्रमुख लगायत कृषक र नागरिक समाजका प्रतिनिधिहरुले किसान हक, हित र अधिकारका विषयमा छलफल गरेका छन्।
किषानलाई सर्वसुलभ बनाउन लागु हुँदै गरेको किसान हकहित र कृषि विधेयक- २०८१ लाई स्वयं किसान संगै छलफल गरि पारित गराउने उदेश्यले यो कार्यक्रमको आयोजना गरिएको बुझिएको छ ।
जुम्लामा स्थानिय उत्पादन र बाहिरको उत्पादनको मुल्य एउटै हुँदा जुम्ली किषानको दुख नबुझिएको किसान महासंघ जुम्लाका अध्यक्ष नारायण चौंलागाईले बताए। वातावरणीय हिसावले एउटै वस्तु जुम्ला भन्दा बाहिर(तराई क्षेत्रमा) चाँडो फल्ने र जुम्लामा ढिलो हुने हुँदा मेहेनतलाई आधार बनाई मुल्य निर्धारण गर्नु पर्ने उनको भनाई छ।
कृषि सम्बन्धी ऐेन र नीति बनाउँदा प्रत्यक्ष किषान संग अन्तरक्रिया वा छलफल गर्न आवस्यक रहेको कृषक सर्पनन्द हमालले बताए। जुम्लाको स्याउ जिल्ला बाहिर लिनका लागि अनुकुल सवारीको व्यवस्था हुनुपर्नेमा उनले जोड दिएका छन्।
कृषकलाई अनुदान दिने प्रक्रिया ठिक नभएको उधोग वाणिज्य संघ जुम्लाका अध्यक्ष पुरिचन्द्र देवकोटाले बताए। उनले भने; एउटा अनुदान जम्मा १५ जनाको लागि हुन्छ र अनुदानको फारम भर्ने करिव १५ हजार कृषक हुन्छन्। यसो गर्दा कृषकहरु अनुदान बाट बञ्चित हुने देखिन्छ।
चन्दननाथ नगरपालिका कृषि शाखामा १० देखि १५ प्रतिशत बजेट बिनियोजन गरिएको चन्दननाथ नगरपालिकाका उपप्रमुख रामदेबी खड्काले बताइन्। साना किसानहरुले पाउनु पर्ने सुविधा बिचौलियाले पाईरहेको खड्काले बताएकी छन्।
उनिले भनिन; हामी चन्दननाथ नगरपालिका भित्र कृषि संकलन केन्द्र बनाउँदै छौं। जहाँ साना कृषकले आफुले उत्पादन गरेको वस्तु आफै बिक्रि गर्न पाउने छन्।
जुम्लाको स्याउ बाटोमा अड्किएर कुहिन्छ भनेर जुम्ली किसानहरुलाई चिन्ता नलिन राष्ट्रिय किसान आयोगका अध्यक्ष प्रेम प्रसाद दंगालले बताए। उनले भने; राज्यले कर्णालीको सडकको स्तरोन्नति गर्न राम्रै रकम विनियोजन गरेको छ।
उनकाअनुसार किसानहरु पिछडिनुको मुख्य कारण उनिहरु जानकार नहुनु हो। उनले जोडे; किसानलाई हुने र भईरहेका कार्यक्रम बारे जानकार नहुँदा बिचौलियाले पचाउने गरेको उनले प्रस्ट पारेका हुन्।
विश्व प्रकाश । २०८१ चैत्र १७