आईतबार प्लान नेपाल जुम्ला र पेस नेपाल जुम्लाको संयुक्त आयोजनामा आधार परियोजना अन्तर्गत अभिभावक शिक्षा सचेतना कार्यक्रम सम्पन्न भएको छ।

पेस नेपालको आधार परियाेजनाले सिंजा क्षेत्रका १० विद्यालयमा काम गरिरहेकाे छ । पेश नेपालकाे तथ्यांकनुसार सिंजा क्षेत्रका तीन पालिकाका ७११ घरधुरीमा पढाइ कुना बनेका छन् । भने २३ सय बालबालिकालाइ पढाइ कुनाकाे पहुँचमा पुराउने लक्ष्य राखिएकाे छ ।

अभिभावक शिक्षा भन्नाले बालबालिकाको सर्वाङ्गीण विकासमा टेवा पुर्याउने शिक्षा बुझिन्छ। बालबालिकाले बिधालयमा गरेका क्रियाकलापलाई घरमा पनि निरन्तरता दिन अभिभावक शिक्षाको आवस्यकता रहन्छ।

पेश नेपालले यो अभियान सिन्जा क्षेत्रका १० विद्यालयमा लागु गरेको छ। पेश नेपालकाे तथ्यांकनुसार सिंजा क्षेत्रका तीन पालिकाका ७११ घरधुरीमा पढाइ कुना बनेका छन् । भने २३ सय बालबालिकालाइ पढाइ कुनाकाे पहुँचमा पुराउने लक्ष्य राखिएकाे छ ।

पढाई कुनाले बालबालिकाको पढ्ने रुचि बढाउने तथा वातावरण सन्तुलन गर्न सहयोग पुर्याएको छ।

विधार्थीको पढ्ने वातावरण नहुँदा गलत दिशातर्फ लाग्ने गर्दा अभिभावक शिक्षा सचेतनामा जाेड दिएकाे पेश नेपाल जुम्लामा परियाेजना संयाेजक हेमराज भट्टले बताए। उनका अनुसार सिंजा क्षेत्रका हिमा,सिंजा र कनकासुन्दरीका विभिन्न गाउँका अभिभावकलाई बालबालिका प्रति जिम्मेवार बनाउनका लागि सिकाउने गरिएकाे छ ।

आधारभूत तहका बालबालिका विद्यालय भन्दा बढी समुदायमा बस्छन् । त्यसैले अभिभावक शिक्षा देखि पढाइ कुना संचालन प्रभावकारी देखिएकाे कनकासुन्दरी-७ का बम बहादुर कार्कीले बताए ।

विकट क्षेत्रको शिक्षक अवस्था सुदृढ गर्न पेस नेपाले थालेको यो अभियान गुणात्मक रहेको जिल्ला समन्वय समितिका प्रमुख गाैरीन्द आर्चायले बताए।

गुणस्तरिय शिक्षाका लागि भवन,धारा,शाैचालय लगायतका पूर्वाधार निर्माण तथा अभिभावक शिक्षा,पढाइ कुना निर्माणमा राम्राे काम भएकाे उनकाे भनाई छ ।

सरकारी बिधालयको शैक्षिक स्तर खस्किदै गर्दा यसलाई सन्तुलन गर्न अभिभावक शिक्षाले महत्त्वपूर्ण भूमिका खल्ने पेश नेपाल जुम्लाका सचिव मानदत्त रावलले बताए ।परियाेजना मार्फत सामुदायिक विद्यालयकाे शैक्षिक अबस्था सुधार गर्ने,बालबालिकाकाे सिकाई बृद्वि र विद्यालयमा पहुँच बृद्वि गर्ने लक्ष्य राखिएकाे उनले बताए ।

बालबालिकाको पढाई सुधार गर्न विधालय मात्रै लाग्नु पर्ने बुझाई राखेर बेवास्ता गर्दा उनिहरु माथिको लगानी खेर जाने नेपाल पत्रकार महासंघ जुम्लाका अध्यक्ष पुर्ण प्रसाद चौलागाईले बताए। उनले यो परियोजनाको प्रसंसा गरेका छन्।

यस्ता कार्यक्रमलाई सामाजिक विकास कार्यालयले प्रत्यक्ष रुपमै सहयोग गर्ने गरेको उक्त कार्यालयका प्रमुख तुलराज चौलागाईले सुनाए।

साथै श्री माध्यमिक विद्यालयका सहायक प्रधानाध्यापक लाल बहादुर बुढाले भने,’२०७९ काे बाढी पहिराेले विद्यालय क्षति हुँदा एक वर्ष खुल्ला आकाशमै पढाउन बाध्य भयाै । तर २०८० बाट आधार परियाेजना लागू हुँदा भूकम्प प्रतिराेधि भवन बने,शाैचालय पनि बन्याे । अहिले सहज भएकाे छ ।’

साथै पढाइ कुनाले बालबालिकाकाे पठन संस्कृति विकास संगै व्यवहारिक ज्ञान बृद्दिमा उल्लेखीय सुधार भएकाे छ ।

पढाइ कुनाले बालबालिकाले आफुले चाहेकाे विषय पढ्न रुचाउने,कथा पढ्ने,सिकाई बृद्दि,पठन बाेध,व्यवहारिक ज्ञान लगयतका क्षेत्रमा सकरात्मक प्रभाव देखिएकाे छ ।