गत फागुन १५ गते देखीको लगातार वर्षा र हिमपातका कारण मुगु जिल्लाको नाग्म-गमगडी सडकखण्ड पूर्ण रूपमा अवरुद्ध भएको छ। उक्त सडक कर्णाली राजमार्ग र मुगुलाई जोड्ने सडक हो।

जुम्ला र मुगु जिल्लाको सिमानामा अवस्थित भुलभुले क्षेत्रमा पहिरो खसेको र सात मोडमा बाक्ले हिउँ जमेर सवारी आवागमन रोकिएको सडक डिभिजन जुम्लाका प्रमुख दिपेन्द्र चौधरीले बताए। सडक खुलाउन निरन्तर खटिएको , तथापि फेरी वर्षा वा हिमपात भए बाटो खुलाउनमा समस्या आउने चौधरीको भनाई छ।

स्थानीय लगायत रारा ताल घुम्न जाने पर्यटकका लागी यो समयको यात्रा कठिन हुने देखिन्छ। कुनै पनि कामले मुगुको यात्रा गर्नेहरुलाई केहि समय धैर्य गर्न साथै, सडकको अवस्था बुझेर मात्र यात्रा गर्न डिभिजनले अपिल गरिको छ।