तस्बिर : कनका खबर
जुम्लाको तातोपानी गाउपालिका -४ मा अवस्थित गिडीदह जाने पार्यटकलाई सोही वडाका अध्यक्ष अमर रोकायाले ९ बुँदामा आग्रह गरेका छन्।
उनले पर्यटकीय क्षेत्रमा भ्रमणका लागि आउने स्वदेशी तथा विदेशी पर्यटकलाई गिडीदह क्षेत्रमा प्रवेश गर्दा केही नियमहरुकाे पालना गरि सभ्य पर्यटककाे अनुशासनमा रहि सहयोग गर्न अनुरोध गरेका छन्।
समुद्री सतहदेखि ३४८५ मिटरमा रहेको गिडीदहको कुल लम्बाइ १५१० मिटर रहेको छ। त्यस्तै चाैडाई ३१० मिटर छ भने गहिराई ४२.८ मिटर रहेको छ। पछिल्लो समय आकर्षक पर्यटकीय गन्तव्य बन्दै गएपछि ताल संरक्षणका निम्ति उनले पर्यटकलाई अनुरोध गरेका छन्।
यस्ता छन्, वडा अध्यक्ष रोकायाका ९ वटा सुझावहरु;
१) गिडिदह प्रवेश क्षेत्रमा प्रवेश गर्दा आफूले प्रयाेग गरेका पलाष्टिकजन्य वस्तुहरु (चाउचाउकाे थैला, पानीकाे खाली बाेतलहरु, पुकार तथा स्यामबहारका पाेकाहरु) जथाभावी नफाल्ने।
२) जंगली जिव जनावरहरुकाे चाेरी तस्करी, निकासी नगर्ने, नगराउने।
३) जंगली जनावरहरुलाई वातावरणमा काेलाहल हुने गरि (माईकिङ् गर्ने, उफर, साउन सिस्टम बजाउने, बिष्पाेटन हुने उपकरणहरुकाे प्रयाेग गर्ने) जस्ता ध्वनि प्रदुषण हुने खाले कार्य नगर्ने, नगराउने।
४) गिडीदहमा रहेका धर्मशाला भित्र आगाे बाल्ने, आगजनी हुने जस्ता कार्य नगर्ने, नगराउने।
५) धर्मशाला नजिक रहेकाे शाैचालयकाे प्रयाेग गर्दा पानीकाे उचित प्रयाेग गर्ने।
६) आफूहरुले क्याम्प चलाउदा निस्केकाे फाेहाेरकाे व्यवस्थापन मिलाउने।
७) धर्मशाला प्रयाेग गरि फर्कने समयमा धर्मशालाका झ्याल ढाेकाहरु पूर्ण रुपमा बन्द गरि चुकुल लगाउने।
८) सुरक्षित प्रविधिकाे प्रयाेग नगरी गिडीदह भित्र पाैडी खेल्ने कार्य नगर्ने, नगराउने।
९) सामाजिक संजालमा गिडिदहकाे परिचय खुल्ने विवरण राख्नु पर्ने भएमा नापँजाचको एकिन तथ्यांकहरुलाई आधार बनाएर वर्णन गर्ने।
महेश नेपाली । २०८१ साउन २०