तस्वीर: सांकेतिक
जुम्लाकाे ताताेपानी गाउँपालिका वडा नं. ४ काे वनमा भिषण आगलागी भएकाे छ । वडा नं ४ को ‘चाक्लिधारा राष्ट्रिय वन’ क्षेत्रमा भिषण आगलागि भएकाे हाे । जुन पाण्डेबाडा र नियापानी गाउँकाे बीचमा पर्दछ ।
आगो नियन्त्रण गर्न स्थानिय परिचालन गरिएको र अझै आगो नियन्त्रण हुन नसकेको तातोपानी गाउँपालिका वडा नं ४ का अध्यक्ष अमर बहादुर रोकायले बताए। उनकाअनुसार आगलागी आईतबार दिउँसाे ३:१५ बजे अज्ञात व्यक्तिद्वारा भएकाे हो।
रोकायले भने; हावाहुरी लागेकाेले आगाे नियन्त्रण गर्न मुस्किल भएकाे छ, आगाे निभाउनका लागि सबै सुरक्षा निकायसंग सहयाेग मागेका छाै ।’
आगाे तत्काल नियन्त्रणमा ल्याउन नसकेको हुँदा पाण्डेवाडा र नियापानी गाउँलाई क्षति हुने स्थिति रहेको अध्यक्ष रोकायाको भनाई छ।
उक्त आगो नियन्त्रण गर्न सुरक्षा फौज परिचालन गरिएको प्रमुख जिल्ला अधिकारी राम बहादुर शाहीले बताए। सुक्खा समयमा आगलागीका घटना बढ्ने भएकाेले सर्तक हुनु पर्ने उनकाे भनाई छ ।
जिल्ला विपद व्यवस्थापन समितिका संयाेजक समेत रहेका शाहीले आगाे नियन्त्रण संगै गाउँमा हुन सक्ने क्षति राेक्न सबै संयन्त्र परिचालन गर्ने उल्लेख गरे ।
आगलागी भएको स्थानमा प्रहरी सहायक निरिक्षककाे कमाण्डमा २१ जना र नेपाल प्रहरी संगको सहकार्यमा नेपाल प्रहरीको १० जना सुरक्षाकर्मीको टाेली पठाईएको शसस्त्र प्रहरी बलका प्रमुख एसपि लाल बहादुर शाहीले बताए।
कनका खबर । २०८१ माघ २०