चन्दननाथ नगरपालिका -३ जुम्लाका ३८ वर्षीया मोहन सिंह कामीको आन्द्रामा घाउ भई भारतको उत्तराखण्ड स्थित हेमवती मन्दन बहुगुणा राजकीय बेस टिचिङ चिकित्सालयमा भरना भएका छन्।
बिगत लामो समय देखि आन्द्रामा घाउ हुँदा बेला बेला विभिन्न अस्पतालमा देखाउँदै आएका उनी हाल भारतमा काम गर्न गएका थिए।
उपचार खर्चको अभावले जीवन र मरणको दोसाँधमा परिरहेको उनका आफन्त मानसिंह कामीले बताए।
“अर्थिक अभावमा बल्झिएको उनको परिवारमा कमाउने एक मात्र उनि आफै थिए,” उनले भने, “परिवारमा उनी उनकी श्रीमती, लगायत ३ वटा सन्तान छन्।”
कमाउने मान्छे आफै अस्पतालको बेडमा पल्टिँदा यतिबेला उनका घरमा निकै संकट उत्पन्न भएको मोहनसिं कामी बचाउँ अभियानका सदस्य विर्ष सार्कीले बताए।
“घाउ हेर्न पेट च्यातेका डाक्टरले भारु ३ लाख जम्मा नगरेसम्म बाँकी उपचार अगाडी नबडाउने भन्दा अझैँ गाह्रो भएको छ,” उनले भने।
उनका आफन्तहरुले यतिबेला आर्थिक संकलन अभियान सुरु गरेका छन्। अभियानबाट आशा गरे जति रकम नउठ्दा मिडिया मार्फत सहयोग गर्न अपिल गरेका हुन।
सहयोग गर्न चाहनुहुनेले चन्दननाथ नगरपालिका वडा नं ३ ले दिएको सिफारिसमा उल्लेख गरिएको खातामा पैसा हाल्न सक्नु हुनेछ।
विश्व प्रकाश । २०८१ पुष १८