जुम्लाकाे कनकासुन्दरीमा मुढा काट्ने क्रममा एक जनाको मृत्यु भएको छ। कनकासुन्दरी -१ न्यारीघाट बस्ने ३२ वर्षीया चन्दलाल कठायतको घटना स्थलमै मृत्यु भएको प्रहरी चौकी चौथाले जनाएको छ।

कठायत वडा नम्बर १ देखि वडा नम्बर २ मालिकावोता घर लगाउनको लागि काम गर्न आएका र विहान जङ्गलमै गएर रुख काट्नको लागि जंगल पुगेको प्रहरीले जनाएको छ।

काटी सकेको रुखको मुढा काट्ने क्रममा माथिबाट आएको रुखले टाउकोमा चोट लागेर मृत्यु भएको वडा अध्यक्ष भिम भण्डारीले बताए।

भण्डारीका अनुसार वडा नम्बर १ को मालदेव जङ्गलमा विहान करिब ८ बजेको समयमा घटना घटेको हो। मृतकको साथमा एक जना साथी पनि रहेका छन्।

खबर पाउने वितिकै घटना स्थलमा प्रहरी चौकी चौथाबाट प्रहरीको टोली पुगेको छ। जिल्ला प्रहरी कार्यालय जुम्लाबाट पनि मुचुल्काको लागि घटना स्थलमा प्रहरी गएकाे छ।