जुम्लाको पातारासी गाउँपालिका -४ स्थित लुम काठेपूलबाट खसेर बेपत्ता भएका हरिकृष्ण बुढाकाे शव भेटिएकाे छ।
गत बुधबार लुमकाठेपूलबाट खसेर बेपत्ता भएका बुढाकाे शव आईतबार दिँउसाे ३ बजे भेटिएकाे हाे।
२८ वर्षीय बुढाकाे शव भेटिएसँगै आफन्तले सनाखत समेत भइसकेकाे छ।
लुम पूलबाट करिब १३/१४ किलामिटर तल उर्थुभन्दा माथि शव भेटिएकाे जिल्ला प्रहरी कार्यालय जुम्लाका प्रवक्ता उमेश चन्दले जानकारी दिए।
उनका अनुसार बेपत्ता भएकै दिनदेखि सुरक्षा टाेली खाेजी कार्य जारी राखेकाे थियाे।
बुधबार बिहानै ८ बजे लासीबाट तल्फी जानेक्रममा १ प १८२० नम्बरको मोटरसाइकल लुमकाे काठे पुलबाट जवा नदीमा खसेकाे थियाे।
माेटरसाईकल खस्दा सवार यात्रु सकुशल बाच्न सफल भए भने चालक बेपत्ता भएका थिए।
कनका खबर । २०८१ भाद्र १६