तस्बिर : सामाजिक संजालबाट
गाडी दुर्घटनामा परि हुम्लाको सर्केगाड गाउँपालिकाका उपाध्यक्ष चन्द्रसिंह कार्की ‘मुक्ति’ को निधन भएको छ। सुर्खेतबाट नेपालगन्ज जाँदै गर्दा फोर्स गाडी दुर्घटना हुँदा उनी शख्त घाइते भएका थिए।
दुर्घटना लगत्तै उपचारका लागि नेपालगन्ज मेडिकल कलेज भेरी अस्पतालमा लगिएको थियो। उनको उपचारको क्रममा करिब राति दुई बजे निधन भएको अस्पताल स्रोतले जनाएको छ।
सोमबार सुर्खेतबाट नेपालगन्ज जाँदै गरेको कर्णाली प्रदेश ०२००१ ख १०११ नम्बरको फोर्स गाडी सुर्खेतको भेरीगंगा नगरपालिका वडा नं ५ को एमाले मोडमा दुर्घटना हुँदा सवार २४ जना यात्रु नै घाईते भएका थिए।
उनीहरु सम्पूर्णको उपचार भइरहेको जनाइएको छ। अन्य घाइतेहरु कोही सामान्य र कोही शख्त घाइते भएको जिल्ला प्रहरी कार्यालय सुर्खेतले जनाएको छ।
उनी नेकपा माओवादी केन्द्रको तर्फबाट हुम्लाको सर्केगाड गाउँपालिकामा गत निर्वाचनमा उपाध्यक्ष निर्वाचत भएका थिए।
कनका खबर । २०८१ भाद्र ४