तस्बिर : कनका खबर
जुम्लाको पातारासी गाउँपालिका -६ स्थित घाेडासिन गाउँमा रहेकाे गैडापातल सामुदायिक वन र नाैमुडे सामुदायिक वनमा वृक्षरोपण गरिएको छ।
‘जलेकाे वन, रून्छ मन, बिरुवा राेपि जाेगाउ वन’ भन्ने नाराका साथ वनमा वृक्षरोपण गरिएको हाे।
नाैमुडे सामुदायिक वन उपभोक्ता समिति , गैडापातल सामुदायिक वन उपभोक्ता समितिकाे संयुक्त आयाेजनामा वनमा ४ हजार सल्लाका बिरुवा राेपिएकाे हाे।
२०८० बैशाख १३ गते बनमा अचानक आगलागी हुदा ठुलो मात्रामा वनमा क्षेती भएको थियाे।
उक्त वनलाई हराभरा बनाउन वनमा ४ हजार सल्लाका बिरुवा राेपिएकाे नाैमुडे सामुदायिक वन उपभोक्ता समितिकी अध्यक्ष जानू कठायत/ बाेहाेराले बताइन्।
उनले भनिन्, ‘आगलागीका कारण सखाप भएकाे वनमा स्थानीयकाे सक्रियताले वृक्षरोपण गर्न सकिएको हो।’
आगलागीका कारणल नष्ट भएकाे वनमा सबैकाे साथ सहयोगले वृक्षरोपण गर्न पाउँदा खुसि लागेकाे गैडापातल सामुदायिक वन उपभोक्ता समितिकि अध्यक्ष गीता बुढाले बताइन।
रोपिएका बिरुवालाई कसरी हुर्काउने भन्ने कुरामा सबैले सोच्नु पर्ने प्रमुख विषय रहेको बुढाको भनाई छ।
वृक्षारोपणले वनजङ्गल हराबारा हुनुका साथै वनजङ्गलको सोभा बढ्ने भएको पातारासी गाउँपालिकाकी उपाध्यक्ष जनमाया रोकायले बताइन्।
‘६ नं वडा हरेक क्रियाकलापमा उत्कृष्ट रहँदै आएको छ,’ उनले भनिन्, ‘रोकायाले आफ्नाे कार्यकालमा दुबै वनलाई हुन सक्ने जति सहयाेग गर्नेछु।’
उनकाअनुसार दुबै सामुदायिक वनलाई उपाध्यक्ष कोषबाट १/१ लाख रूपैया उपलब्ध गराइने छ। उनले थपिन्, ‘विरुवा रोप्नु महत्वपूर्ण काम हो। यसको संरक्षण त्यो भन्दा महत्त्वपूर्ण काम हो।’
कनका खबर । २०८१ साउन १४