अखिल क्रान्तिकारीले टुङ्ग्यायो स्ववियु निर्वाचनका लागि आफ्ना उम्मेदवार

जुम्ला बहुमुखी क्याम्पसमा आगामी चैत्र ५ गते हुने स्वतन्त्र विद्यार्थी युनियन (स्ववियु) निर्वाचनको तयारी बिभिन्न संगठनहरुले तिब्रताका साथ गरिरहेका छन्।

त्यस्तै मावोवादी निकट केन्द्रित विद्यार्थी संगठन अखिल क्रान्तिकारीले उक्त निर्वाचनका लागि आफ्ना उम्मेदवारहरूको टुंगो लगाएको छ।

संगठनले अध्यक्षमा जयकृष्ण जैशी, सचिवमा जीवन भक्रि र कोषाध्यक्षमा आशिष बुढालाई सर्वसम्मत रूपमा उम्मेदवार चयन गरेको छ। उम्मेदवार चयन प्रक्रिया सर्वसम्मत रूपमा सम्पन्न भएको अखिल क्रान्तिकारी जुम्लाका अध्यक्ष धर्मराज रावलले बताए।

अध्यक्षका उम्मेदवार जयकृष्ण जैशी यसअघि २०७९ को स्ववियु निर्वाचनमा सचिव पदमा निर्वाचित भइसकेका अनुभवी विद्यार्थी नेता हुन्। उनले आफ्नो उम्मेदवारीलाई विद्यार्थीको हकहित र क्याम्पस सुधारको अभियानसँग जोडेर प्रस्तुत गरेका छन्।

विगतदेखि नै क्याम्पस भित्रका विकृति र विसंगति हटाउन र विद्यार्थीका मुद्दालाई बलियोसँग उठाउन आफु निरन्तर लागिपरेको अध्यक्ष पदका उम्मेदवार जयकृष्ण जैशीले बताए।

त्रिभुवन विश्वविद्यालयका ६२ आङ्गिक र १,०४० सम्बन्धन प्राप्त क्याम्पसहरूमा चैत ५ गते निर्वाचन हुँदैछ। जुम्लामा अखिल क्रान्तिकारीको यो तयारीले अन्य विद्यार्थी संगठनहरूलाई समेत आफ्नो रणनीति बलियो बनाउन दबाब सिर्जना गरेको छ।

प्रकाशित मितिः   २०८१ फाल्गुन २७ at 9:35 am 

  • कमेन्ट (Comment)