नेपालको महिला फुटबल टोलीले अहिलेसम्म खेलेका १३ वटा फाइनल मध्ये कुनै पनि जित्न सकेको छैन। पछिल्लो पटक २०२५ इन्टरनेसनल वुमन्स च्याम्पियनसिप को फाइनलमा म्यानमारसँग २-० ले पराजित भएपछि नेपालको उपाधिविहीन यात्रा निरन्तर जारी रहेको छ।
नेपालले पहिलो पटक २०१० मा साफ महिला च्याम्पियनसिप को फाइनल खेलेको थियो, जहाँ भारतसँग १-० को हार व्यहोरेको थियो। त्यसयता, हरेक फाइनलमा पराजित हुँदै नेपाल उपाधिबाट बञ्चित हुँदै आएको छ।
नेपालको फाइनल हारको सूची र गोल अन्तर
२०१० साफ महिला च्याम्पियनसिप – भारत १-० नेपाल (१ गोल अन्तर)
२०१२ साफ महिला च्याम्पियनसिप – भारत ३-१ नेपाल (२ गोल अन्तर)
२०१४ साफ महिला च्याम्पियनसिप – भारत ६-० नेपाल (६ गोल अन्तर)
२०१९ साफ महिला च्याम्पियनसिप – भारत ३-१ नेपाल (२ गोल अन्तर)
२०२२ साफ महिला च्याम्पियनसिप – बंगलादेश ३-१ नेपाल (२ गोल अन्तर)
२०२४ साफ महिला च्याम्पियनसिप – बंगलादेश २-१ नेपाल (१ गोल अन्तर)
२०१० दक्षिण एसियाली खेलकुद (साग) – भारत ३-१ नेपाल (२ गोल अन्तर)
२०१६ दक्षिण एसियाली खेलकुद (साग) – भारत ४-० नेपाल (४ गोल अन्तर)
२०१९ दक्षिण एसियाली खेलकुद (साग) – भारत २-० नेपाल (२ गोल अन्तर)
२०१९ हिरो वुमन्स गोल्डकप – म्यानमार ३-१ नेपाल (२ गोल अन्तर)
२०१९ नादेज्दा कप – उज्वेकिस्तान ३-२ नेपाल (१ गोल अन्तर)
२०२४ वाफ वुमन्स च्याम्पियनसिप – जोर्डन २-२ (५-३ पेनाल्टी) नेपाल (पेनाल्टीमा हार)
२०२५ इन्टरनेसनल वुमन्स च्याम्पियनसिप – म्यानमार २-० नेपाल (२ गोल अन्तर)
नेपालले यी १३ फाइनल खेलहरूमा २५ गोल खाएको छ भने ७ मात्र गोल गर्न सकेको छ।
नेपालले फाइनलसम्म पुग्ने उत्कृष्ट प्रदर्शन गरिरहेको छ, तर उपाधि जित्नका लागि अझै धेरै सुधार आवश्यक देखिन्छ। रणनीतिक तयारी, खेलाडीहरूको आत्मबल वृद्धि, र फिनिशिङ क्षमतामा सुधार गरिएमा नेपालले आगामी प्रतियोगिताहरूमा उपाधि जित्ने सम्भावना अझै जीवित छ।
प्रकाश उपाध्याय । २०८१ फाल्गुन १५