जुम्लामा भरुवा बन्दुक सहित एक जना पक्राउ

तस्बिर : कनका खबर

जुम्लामा भरुवा बन्दुक सहित एक जनालाई प्रहरीले पक्राउ गरेको छ। आईतबार दिउँसो पत्रकार सम्मेलन गरि प्रहरीले पक्राऊ बारे जानकारी सार्वजनिक गरिएको हो।

पक्राउ पर्नेमा गुठिचौर गाउँपालिका -१ घर भई हाल पातारासी गाउँपालिका वडा नं. ०५ लासी बाजरमा मोटर साईकलको ग्यारेज गरी बस्ने अन्दाजी ३२ वर्षीय सुर्य बहादुर महतारा रहेको उक्त प्रहरीले जनाएको छ।

हातहतियार लुकाई छिपाई राखेको भन्ने गोप्य सूचनाको आधारमा महरालाई पक्राउ गरिएको हो।

गुठिचौर गाउँपालिका वडा -१ मौरे लेक स्थित जुम्ला देखि डोल्पा जाने कच्ची सडक खण्डको करिब ५० मिटर तल पश्चिम तर्फको भिरालो जमिनको ढुङ्गाको ओढार भित्र हरियो प्लाष्टिकमा सेतो प्लाष्टिको बोरा भित्र लुकाई छिपाई तीन भाग अलग अलग टुक्रा पारी राखेको अवस्थामा भरुवा बन्दुक जस्तो देखिने फोल्ड गर्न मिल्ने एक नाले थान १ र उक्त हतियार लुकाई राखेको भेटिएकाे थियाे।

बन्दुक भएकै स्थानमा सुर्य बहादुर महताराको उपस्थित र सामुने प्रहरी टोलीले बरामद गरी निज सुर्य बहादुर महतारालाई नियन्त्रणमा लिई आवश्यक अनुसन्धान कार्य भई रहेको डिएसपी छेदिलाल कामतीले बताए।

उनका अनुसार गत एक महिनादेखी अवैध हतियार बारे निगरानी राखिएकाे थियाे। खाेज तलासलाई निरन्तरता दिँदा उक्त हतियार भेटिएकाे हाे।

प्रकाशित मितिः   २०८१ भाद्र ९ at 7:01 pm 

  • कमेन्ट (Comment)