सुन सुन साना साना नानीबाबू सुन
थोरै खेल धेरै पढ असल मान्छे हुन ।

घुम्न जाँदा बजारतिर बाबाआमासँग
च्याप्प सामान समाएर हुँदैन है रुन ।

खाडी देश पुगेका छन् कति बाआमा
बगाउन तिम्रै लागि पसिना र खुन ।

पढाइ लेखाइ राम्रो गर उमेरमै तिमीले
सजिलो त कहाँ छ र ? चन्द्रमालाई छुन ।

उमेरसँगै सानातिना काम गर्न नि सिक
अबदेखि आमालाई नलाऊ लुगा धुन ।

अब्जस नलाऊ आमालाई कहीँ कतै पनि
कहिलेकाहीँ तरकारीमा चर्को हुँदा नुन ।

भविष्यको असल मान्छे तिमी नै त हौ नि
नबिर्स है बाआमाले लगाएको गुन ।