कर्णाली स्वास्थ्य विज्ञान प्रतिष्ठानका ५८ जना स्थाई शिक्षक तथा कर्मचारीहरु बिगत लामो समयदेखि पदोन्नत लगायतका मागहरु राख्दै अनिश्चितकालीन आन्दोलनमा छन्। उक्त आन्दोलनले प्रतिष्ठानका आकस्मिक र ओ.पि.डी सेवा बाहेक सबै सेवाहरु बन्द गरेएको छ।
जुम्लामा आई चिकित्सा क्षेत्रमा आफ्नो भविष्य देखेका प्रतिष्ठानका विधार्थीहरु यति बेला निराश बनेका छन्।
मंसिर ३ गते बाट कडा रुपमा भएको शिक्षक तथा कर्मचारीहरुको आन्दोलनले प्रतिष्ठानको पठनपाठन पनि बन्द गरेको हो। करिब एक महिना सम्म पठनपाठन रोकिँदा विधार्थीको परिक्षामा समेत असर पर्न गएको छ।
उक्त आन्दोलनले बिधार्थीको पठनपाठन तथा परिक्षामा प्रत्यक्ष असर पार्न गएको भन्दै नेपाल विद्यार्थी संघ जुम्लाले मंसिर २५ गते बिहान विज्ञप्ति सार्वजनिक गरेको छ।
उक्त आन्दोलनका कारण परिक्षा, परिक्षाको फर्म लगायत नियमित क्रियाकलाप र पठन पाठनको मापदण्ड समेत भङ्ग भएको र कैंयौं विद्यार्थीको भविस्य अन्योलमा परेकोमा ने बि संघले गम्भीर ध्यानाकर्षण भएको उल्लेख गरेको छ।
अझ आन्दोलनका कारण परिक्षा संचालन र पठन पाठन अवरुद्ध भई विद्यार्थीहरुको भबिष्यमा नकारात्मक असर परेको हुदा यसो हुन नदिने नसंघले आग्रह गरेको छ।
कर्णाली स्वास्थय विज्ञान प्रतिष्ठान र स्थायी रुपमा कार्यरत शिक्षक तथा कर्माचारी यस विषयमा गम्भीर भई आन्दोलनलाई यथासिघ्र टुङ्गोमा पुर्याएर विद्यार्थीहरुको भबिष्यलाई नकारात्मक असर नपुऱ्याई, परिक्षा समयमै सञ्चालन गर्ने वातावरण निर्माण गर्न नेपाल बिधार्थी संघले अनुरोध गरेको छ।
विश्व प्रकाश । २०८१ मङ्सिर २५